Los dirixentes d’Izquierda Xunida van facer una llectura política d’Asturies con motivu del 8 de setiembre

Pa la xornada del 8 de setiembre Izquierda Xunida va celebrar un actu políticu que va tener llugar nel Atenéu de La Calzada de Xixón, onde a partir de les 11:30 hores van lleer los sos discursos el coordinador xeneral de la coalición Gaspar Llamazares, el candidatu a la Presidencia d'Asturies nes elecciones autonómiques del 2007 Jesús Iglesias, y el tercer teniente d'alcalde de Xixón y candidatu a l'alcaldía nes elecciones del 2003 Jesús Montes Estrada. La reforma del Estatutu d'autonomía y la situación política xeneral d'Asturies va centrar les intervenciones.


D'otra manera, Izquierda Xunida d'Asturies fai un llamamientu al pueblu asturianu pa qu'esti 8 de setiembre "esprese en tolos actos nos que participen la so esixencia d'aprobación d'un nuevu Estatutu d'Autonomía p'Asturies nesta llexislatura, acordies col modelu d'Estáu que se ta definiendo tres de l'aprobación d'Estatutos nel restu de les Comunidaes Autónomes; y nel que se defina un nivel d'autogobiernu mayor al actual, que sía quien a dotar les instituciones asturianes de toles competencies necesaries p'arreglar de forma más eficaz los problemes de la nuestra sociedá".