Los candidatos a l’alcaldia de Xixón esponen los sos programes en materia de cultura

La Sociedá Cultural Xixonesa entama desde esti miércoles 9 de mayu una ronda d'esposiciones de programes electorales en materia de cultura por parte de les formaciones que se presenten a les elecciones al conceyu. Les esposiciones van entamar el miércoles 9 cola participación d'Andecha Astur, mientres que'l xueves 10 va falar un representante d'Unidá. El programa cultural d'Izquierda Republicana va analizase'l llunes 14, mientres que'l de la coalición PAS-URAS tien fecha acutada pal martes 15 de mayu. PCPE (Miércoles 16), Izquierda Xunida- Bloque-Verdes (xueves 17) Partíu Popular (llunes 21) y PSOE (miércoles 23) completen el calendariu de presentaciones de programes culturales pal primer conceyu d'Asturies en númberu d'habitantes.