Los actos institucionales del Día d'Asturies continúen en Navia y Veiga

La xornada festiva programada pol gobiernu con motivu d'esti ochu de
setiembre continúa en Navia y Veiga. Ayer fueron protagonistes los actos
institucionales na Xunta Xeneral na que los tres grupos parlamentarios
ufiertaron la so visión del procesu de reforma estatutaria. Asina, el
portavoz socialista Fernando Lastra señaló que va
necesitáse "un ampliu alcuerdu políticu". Pela so
parte'l portavoz popular Joaquín Aréstegui dixo que quier una
reforma p'algamar "meyores servicios y meyor xestionaos", mientres
que Jesus Iglesias en representación d'IX-BA-LV indicó que'l
Estautu tien que conseñar el "reconocimientu oficial del
asturianu".

Per otru llau la xornada festiva programada pol Gobiernu asturianu con
motivu d'esti ochu de setiembre continúa en Navia y Veiga. A lo llargo
de tol día van desarrollase actividaes como un mercáu
tradicional, exhibiciones de deportes autóctonos, desfiles de bandes de
gaites, fueos artificiales, prebes de sidra y música en directu. El
programa completu puede consultase
equí
(pdf).

Finalmente l'Arzobispu d'Uviéu, Carlos Osoro, presidirá los
actos n'honor de Nuestra Señora de Cuadonga, na Basílica del
Santuariu, que van consistir nuna misa n'honor de "La Santina" a les
12.00 horas