L.lena entama una campaña pola normalización del asturianu nel comerciu

La iniciativa, con un presupuestu de 2.000 euros, consiste na creación d'una marca y nel repartu de material pa normalizar l'usu del asturianu nes rellaciones comerciales

El conceyu de L.lena, al traviés del so Serviciu de Normalización Llingüística, presentó ayeri una campaña pa la normalización del asturianu nel ámbitu del comerciu. Esta campaña consiste na creación d'una marca y na edición de trípticos, pegatines, bolses de papel y cartelería col oxetivu de promover l'usu del asturianu en nel comerciu y potenciar la so presencia na imaxe pública del sector, implicando a los comerciantes na promoción y normalización del asturianu nes rellaciones nes rellaciones comerciales y afitar l'emplegu de los nomes tradicionales n'asturianu pa referise a los productos y les espresiones asturianes tradicionales que que s s'empleguen davezu nos comercios.

La campaña faise en collaboración colos servicios de normalización de Xixón, Siero y la Mancomunidá del Cabu Peñes, miembros de la Rede de Normalización Llingüistica.

Trípticos con vocabularios específicos n'asturianu de los productos que se despachen en cada estaya del comerciu, pegatines pa regalu con frases dedicatories n'asturianu, tarxetes con prontuarios de frases feches pa dependientes y bolses y carteles con eslóganes de comerciu n'asturianu son los materiales d'esta campaña que yá se fizo n'otros conceyos como Xixón, onde consiguió una bona rempuesta por parte de los comerciantes del conceyu.