Llega a les carteleres otra estrena ambientada n'Asturies

Yá van unes cuantes selmanes que'l nuesu país ye l'escenariu
de dellos estrenos. Esta selmana la estrena de la nueva película de Jose
Luís Garci vuelve asitiar a Asturies nes pantalles. Col
títulu de "Luz de domingo" estrenase esti drama
ambientáu nel pueblu ficticiu de Cenciella, na Asturies
decimonónica. Esti llugar ye l'escenariu d'una relación ente'l
secretariu del ayuntamientu y la nieta d'un indianu que va vese arrodiada de
los conflictos que surden ente'l cacique local y los sos opositores. Esti drama
ta protagonizáu por Alfredo Landa, Álex González y la
candasina Paula Echevarria.


Tamién llega a los cines asturianos la última película
protagonizada por George Clooney, entitulada
"Michael Clayton". Nesti
thriller l'actor fai d'un abogáu que tien d'ayudar a un amigu que
llevó hai años la defensa d'una multinacional química y
qu'agora ta enfrentáu a ella. Mas estrenes y tolos horarios na
nuesa cartelera.