Llangréu celebra'l certame "un llibru abiertu"

Llectures públiques y institucionales, conferencies d'autores comoXuan Bello, que va falar del Eloxu de la llectura, presentaciones de llibros, con Ricardo Menéndez Salmón que va presentar "La ofensa", Ignacio del Valle con "El tiempo de los emperadores extraños" David López con "El crimen de los Monegros" y Diego Medrano, autor de "La soledad no tiene edad", Cuentacuentos nes escueles y biblioteques del conceyu colos grupos Nun Tris y Con Alevosía Teatru, talleres lliterarios y de títeres cola compañía Kamante Teatru, actividaes nes escueles y esposiciones igüen una selmana de celebraciones que trata d'afalar los vezos llectores de tola xente'l conceyu de Llangréu.

Asina ye'l programa "Llangréu un llibru abiertu" una selmana d'actividaes qu'entamó ayeri llunes, Dia del Llibru con una llectura pública pela mañana y cola conferencia de Xuan Bello, que tuvo llugar a les 19:45 hores na Casa la Cultura de Sama. El programa d'actividaes pa tola selmana esparde les cites per tol conceyu, rematando col espectáculu "L'Asturianá: cantares y música d'un país" que sirve de presentación del ensayu d'Oscar Roces Arboleya "L'Asturianá: de la magia a la desolación", un actu que va celebrase a les 20.15 hores del vienres 4 de mayu nel Nuevu Teatru de La Felguera.