Llan de Cubel visita Galicia

"Llan de Cubel" tará'l mes qu'entra per tierres gallegues faciendo promoción y dalgunos conciertos.Un de los grupos asturianos más conocíos na escena folk europea va dexáse ver per Galicia. El 10 de febreru fadrán una serie d'entrevistes con medios gallegos, pal día siguiente facer un conciertu na Radio Galega. Los siguientes díes van tar dedicaos a facer conciertos peles ciudaes más importantes de Galicia, el 12 febreru n'A Coruña (Auditoriu Forum parque Europa), 13 febreru Santiago de Compostela. (Teatru Principal), 14 febreru Lugo.(Sala Clavicembalo) y el 15 febreru Vigo (Teatru Garcia Barbón). D'esta forma'l grupu quier dase a conocer pel país vecín, onde tovía la música folk asturiana sigue siendo bastante desconocida.Per otru llau, la banda sigue col so proyectu de sacar esti añu un discu en direuto, anque tovía nun hai feches de cuando pue llegar a espublizáse esi trabayu.