L'Inventariu del Patrimoniu Cultural incorpora los castros d'El Castiello y L'Atalaya

El primeru asístiase en Villardebeyo (Llanera) y el segundu, en La Corrada (Sotu'l Barcu).

La Viceconseyería de Cultura, Política Llingüística y Deporte incluyó nel Inventariu del Patrimoniu Cultural d'Asturies los castros de El Castiello y L’Atalaya, entrambos clasificaos como xacimientos arqueolóxicos inventariaos. El Boletín Oficial del Principáu d'Asturies (BOPA) fai anuncia güei de la resolución al respeuto depués de que se completase'l procesu de inclusión qu'arancó nel 2022 cola recopilación d'informes d'organismos como la Real Academia de Historia, la Universidad de Oviedo y el Real Instituto de Estudios Asturianos (RIDEA), asina como una comunicación d'alcuerdu de la Comisión d'Urbanismu y Ordenación del Territoriu d'Asturies (CUOTA).

El xacimientu d'El Castiello, "carauterizáu por un distintivu conxuntu morfolóxicu, ye una representación arquetípica de los sistemas defensivos de los castros del norte peninsular", espliquen dende la viceconseyería, qu'apunta que los restos "suxeren la esistencia d'un recintu más pequeñu dientro del área principal del castru, posiblemente una acrópolis o una primixenia área de cuartu. Esti castru "da cumplida esplicación del topónimu 'Castiello', que se conserva nes proximidaes".

Mentes, L'Atalaya "cuenta con carauterístiques defensives significatives y estructures que tambén reflexen la rica cultura castreña del noroeste peninsular". Asítiase en Ponte, na parroquia de La Corrada, y cuenta con un aniellu interior d'unos 80 metros de norte a sur y 60 d'este a oeste, y un pieslle esternu a unos 25 metros, con una estensión total del sitiu de cerca d'una hectárea.

Na semeya, imaxe área d'El Castiello y L'Atalaya.