L'inglés Robin Munby, nuevu 'Embaxador de la Llingua Asturiana'

Iniciativa pol Asturianu valora con esti títulu honoríficu "l’interés del traductor en deprender asturianu y el so trabayu de traducción".  

Inaciu Galán, vocal de la organización, entregó esta mañana a Robin Munby el títulu de 'Embaxador de la Llingua Asturiana'. Nacíu en Liverpool nel 1991 y residente anguaño en Madrid, estudió’l grau de Llingües Modernes, especializándose en castellanu, rusu y portugués, na University of Sheffield, continuando la so formación depués con un máster de Traducción na University of Glasgow,

Va cinco años instalóse en Madrid, momentu nel qu'entamó a interesase pol plurillingüismu nel Estáu, sobre manera nel asturianu, mientres la pandemia de COVID-19. Asina, participó nos cursos qu'entama Iniciativa pol Asturianu y trabayó en traducciones dende'l so idioma de nacencia al nuestru, llabor qu'empondera esta organización.

Estos díes ta n'Asturies, onde aconceyó ayeri con Antón García, direutor xeneral de Política Lllingüística. N'abril Munby va representar a la llingua asturiana nos actos que van celebrase en Londres en collaboración col Instituto Cervantes y el proyeutu académicu de la University of Warwick dirixíu por Olga Castro, con presencia na prestixosa The London Book Fair, feria del llibru de la capital británica.

Otros embaxadores