Les gaites de Corvera van sonar en Nueva York

El próximu 17 de marzu la Banda de Gaites de Corvera va participar nel desfile del día de San Patricio na ciudá de Nueva York.

La banda de gaites dirixida pol gaiteru Bras Rodríguez y que ta acabante amás d'asoleyar el primer discu "Xermandía", va ser la primer banda asturiana que participe na "Gran Parada del Día de San Patricio" el próximu 17 de marzu. Amás de la participación nel desfile, la Banda de Gaites de Corvera tamién va tocar el día 18 nel centru asturianu de la ciudá americana. Esti viaxe cuenta col sofitu de la Dirección Xeneral d'Emigración, qu'entiende'l viaxe de les gaites asturianes a lafiesta e de la comunidá irlandesa nos EEUU como un ponte interatlántica de cultres. Preba d'ello ye que la delegación asturiana va dir encabezada pol director de l' Axencia Asturiana d'Emigración, Luis Miguel Fernández Romero. Según fontes de la conseyería, esti viaxe faise dientro de la so política de promoción de y sofitu a los nuevos artistes asturianos nel esterior.