“Les fabes y el miel”, los productos más reclamaos n’An Oriant

|
Mabel Tuñón tienda LI Festival Interceltique de Lorient

Miel Ería de Valles acudió al LI Festival Interceltique de Lorient nel Année des Asturies colos sos productos na tienda qu’instaló apegáu al pabellón d’Asturies na Place des Pays Celtes, espaciu onde tamién teníen güecu otros alimentos del país. “Lo que más gusta son les fabes y el miel”, apuntó la so responsable Mabel Tuñón.

“El festival yá lo conocíemos de va años, sabemos l’acoyida que tienen los propductos asturianos equí, y tamos mui contentos”, espresaba l’apicultora, qu’esplicaba que’l puestu “montámoslu nosotros. Somos los encargaos del miel, pero pidiéronnos venir con más productos asturianos pa poder picar equí nes meses o otros representantivos d’Asturies como la fabada, que l’aprecien muncho, o la sidra”.

De 12 a 20 o 21 hores, según la xornada, el pasu de persones interesaes na nuesa gastronomía pel puestu asturianu n'An Oriant yeren continuos. “Lo que más gusta son les fabes y el miel”, o lo que ye lo mesmo, son los más vendíos, confirmaba.

“Asturies ye protagonista del festival tolos años anque nun sía la honorífica, y los productos yá los conocen”, asegura. La falta de restorán, sicasí, echóse muncho de menos esti añu ente’l públicu del festival: “Vienen muncho entrugando por fabada pa consumir equí, pero esti añu nun había”.

Na semeya, Tuñón frente al puestu.

Contador Estadistiques