Les encuestes de los periódicos albidren diferencies mui curties ente PP y PSOE

Los periódicos asturianos de mayor tirada, La Nueva España y El Comercio, dieron a conocer esti fin de selmana les sos encuestes electorales previes a les votaciones del próximu domingu. Mientres la encuesta de La Nueva España espeya un trunfu del PSOE por namás ún puntu de ventaya sobre'l PP, el diariu El Comercio entorna'l mapa electoral albidrando un trunfu del PP sobre los socialistes, anque ensin una mayoría absoluta que pesllare la puerta a un gobiernu de coalición PSOE-IX-BA-LV.

La Nueva España espeya una ventaya socialista d'un puntu sobre'l PP, baxando'l PSOE a los 21 escaños. El PP llegaría a los 19 y IX-BA-LV llograría 4 escaños, mientres que la coalición URAS-PAS podría llegar al escañu. Pela so parte, la encuesta d'Invesmark pa El Comercio pon al PP como la fuerza más votada, llogrando ente 20 y 21 escaños, un resultáu que podría superar al de los socialistes, que quedaríen na peor de les espectatives con 19 escaños y na meyor con 21, mientres qu'IX-BA-LV quedaría en 4. Les dos encuestes epeyen como la formación qu'encabeza Jesús Iglesias caltién resultáu nes autonómiques pero pierde en númberu de votos. Esa baxada acusaríase nes municipales, con posible perda de conceyales en Xixón y Uviéu. El comercio tamién espeya que la xuntura ente URAS yPAS podría entrar con ún escañu a la Xunta Xeneral.