L'Axencia Asturiana de Cooperación al Desarrollu estrena web

Dependiente de la Conseyería de Presidencia, nun cuenta con versión n'asturianu.

L'Axencia Asturiana de Cooperación al Desarrollu xubió güei la so web nueva "pa difundir el compromisu de la ciudadanía asturiana colos países y comunidaes que más sufren la desigualdá y la probeza nes sos múltiples dimensiones". La páxina recueye les llinies maestres de la xestión d'esti organismu nos años últimos.

Incorpora accesu direutu a los documentos de planificación vixentes, memories añales y convocatories d'ayudes, asina como al rexistru, direutoriu y bancu de recursos d'Organizaciones Non Gubernamentales pal Desarrollu (ONGD). El portal estructúrase en cinco bloques: quiénes somos, instrumentos de cooperación, planificación y evaluación, memories y publicaciones, y recursos.

La versión disponible agora na rede namái cuenta con versión en castellanu. Nun emplega nin l'asturianu nin el gallego-asturiano, y tampoco nun respeta la toponimia asturiana, única oficial.