L'autonómica entamó a emitir en prebes dende la llaboral

La Televisión Autonómica d’Asturies (RTPA) entamó ayeri a emitir la so señal en prebes dende les sos instalaciones definitives del Conventu de les Clarises de la Universidá Llaboral de Xixón, ún de los últimos pasos pal aniciu de les sos emisiones normales, que ta pa producise nos próximos díes. Dende qu’entamare les sos emisiones provisionales hasta agora, la RTPA funcionaba dende l’edificiu que’l Gobiernu asturianu mercare nel Parque Tecnolóxicu énte’l retrasu de les obres en monesteriu de Les Clarises. Según anuncia la RTPA, l’aniciu de les emisiones na so sede definitiva marca tamién l’arranque del aparatu técnicu que va encargase de les emisiones regulares con continuidá, acordies a un sistema dixital con ficheros encontaos en servidores informáticos en cuenta de cintes.