L'Audiencia Provincial ratifica la condena a los sindicalistes Carnero y Morala

L'Audiencia Provincial d'Asturies ta acabante de refugar el recursu presentáu polos sindicalistes Cándido González Canero y Juan Manuel Martínez Morala, ratificando asina la sentencia dictada pol Penal númberu 1 de Xixón pola que se-yos condena a tres años de prisión, el pagu d'una multa caún de 2.160 euros y a indemnizar al Ayuntamientu xixonés con 5.624,83 euros por estrozar una cámara de videovixilancia de Tráficu durante una de les movilizaciones de Naval Xixón, en marzu de 2005. La confirmación de la sentencia puede suponer el so ingresu en prisión nos próximos dies.

Lo mesmo Morala como Carnero aseguraron que recurrirán el fallu de l'Audiencia al Tribunal Constitucional, pal que disponen d'un plazu de 20 dies, pero nun van pidir un indultu. El recursu d'amparu al Triubunal Constitucional puede tardar de cuatro a seis meses en ver si s'almite a trámite. La so resolución podría tardar otros dos o tres años. Sicasí, el xuez de lo Penal númberu 1 de Xixón, Lino Rubio, quien dictó la primer sentencia condentoria, podría ordenar l'ingresu en prisión enantes de conocer si'l Constitucional almite'l recursu.