L’Arribada fai alcordanza de Xosé Antón García

L'alcuentru lliterariu "Arribada" que se celebra en Xixón, va centrar la so xornada d'esti xueves n'alcordanza del desapaecíu poeta Xosé Antón García, del que va facese una llectura de los sos testos nel Centru de Cultura Antiguu Institutu a les 17:45 h.

Primero d'ello, les actividaes de l'Arribada van entamar a les16:30 h cola presentación del llibru-discu "La mina que nun cierra" del grupu "mures" y van siguir a les 5 coles novedaes editoriales de la casa "Ámbitu".

A les 18:45 hores, el filólogu y escritor Xuan Santori va presentar la comunicación "Una reflexón sobre l'apegu lliterariu a los autores locales. Aplicaciones didáctiques"y dende les 7 Carlos Rubiera va falar sobre "la música" una ponencia tres de la que va celebrase a una mesa reonda na que van participar el collaborador d'Asturies.com Rubén Ardura, Xulio Arbesú, Marisa López Diz y Frichu Yustas. El pieslle musical va correr a cargu del grupu Mestura.