L’aplicación ‘CONECTA’ va tener versión n’asturianu

|
Portada CONECTA

La páxina web del Consorciu de Tresportes d’Asturies (CTA) y l’aplicación de baldre pa dispositivos móviles ‘CONECTA’, anunciada esti martes, van tener versión en llingua asturiana. Iniciativa pol Asturianu confirmó a Asturies.com esti compromisu de la Conseyería de Mediu Rural y Cohesión Territorial, que nun dio plazos.

L’aplicación ‘CONECTA’, disponible pa los sistemes operativos Android y iOS, ye la ferramienta nueva pa facilitar l’usu de la rede de tresporte públicu nel país. Un programa que nun emplega les llingües propies nin la toponimia oficial.

Iniciativa pol Asturianu, que yá entrugara a la conseyería pola versión asturiana de la páxina web, namái disponible tamién en castellanu, insistió nesti tema al conocer l’ausencia del idioma na aplicación de creación nueva. La respuesta nesta ocasión foi que la previsión ye que l’asturianu tea presente entrambos casos, anque nun dio fecha pa ello.

Dende esti coleutivu que trabaya pola normalización de la llingua asturiana en tolos ámbitos anuncien que van tar pendientes nes selmanes próximes d’esta cuestión.

Contador Estadistiques