L'Apartheid, Fidel Castro y el cine chinu tomen les carteleres

Fidel Castro ocultu nel Miami anticastrista, les vivencies d'un carceleru
blancu nel Sudáfrica de los años mas duros del Apartheid y la
pelicula china "La maldición de la flor dorada" son les
estrenes que mas rescamplen nes carteleres d'esta selmana n'Asturies. Col
títulu de "Adiós
Bafana", el director Billie August adiéntranos na
Sudáfrica de 1968 nesta coproducción europea-sudafricana. Nella
l'actor Raph Fiennes encarna a James Gregory, carceleru de Robben Island que
considera a los negros como subhumanos. Creció nuna granxa del Transkei
y aprendió falar xhosa de neñu, por eso ye la persona ideal
p'actuar de carceleru de Nelson Mandela y de los sos compañeros del
Congresu Nacional Africanu encarcelaos. La so visión del conflictu
sudafricanu cambiará gracies a la convivencia colos prisioneros
antipartheid.

Per otru llau estrénase "I love Miami", pelicula
hispanu-mexicana na que Juan Luis Galiardo interpreta a un Fidel Castro que
depués de sofrir un naufraxu tien qu'acabar d'incógnitu nel Miami
Anticastrista. ehi conocerá la problemática del exiliu cubanu nos
Estaos Uníos. Otra de les novedaes ye la pelicula china
"La
maldición de la flor dorada", qu'asitianos na China del sieglu
X, concretamente na viéspora del Festival Chong Yang que va celebrase
nel palaciu Imperial. Nesti llugar van sucedese les intrigues y los secretos.
Mas estrenes nes pantalles de cine del nuesu país na
cartelera.