L'antroxu marca l'axenda d'ociu

La tradicional celebración del
Antroxu
marca les actividaes pa esti fin de selmana n'Asturies. Ente ellos rescamplen
los d'Avilés y Xixón, dambos declaraos "Fiesta
d'Interés Turísticu Rexonal".L'antroxu
xixonés entamó'l 15 de febreru y va finalizar el martes
20, que ye día non llaborable na villa de Xovellanos. Pela so parte, la villa
avilesina celebra l'antroxu d'esti añu col títulu de"Avilés, un Antroxu de
ensueño". Les celebraciones entamaron el pasáu
miércoles 14 de febreru pa prolongase hasta'l miércoles 21 col
entierru de la sardina. En medio, más d'una selmana de folixa na que nun
van faltar les clásiques cites de la coronación de los Reis del
Goxu y la Faba o'l Descensu de Galiana.

Otra de les cites pa esti fin de selmana avéranos a La Felguera, onde va
celebráse esti sabadu un festival organizáu pola "Plataforma
Pro Hospital de Parapléjicos". De magar el mediudía
actuarán na carpa asitiada na Estación d'Autobuses felguerina
intérpretes de canción asturiana como Rosi Fernández,
Anabel Santiago, Juan José
Martínez, José Manuel González Granda, Raúl
García, Carlos Ronderos, Jeremías Cuello, José Manuel
Collado, amás del "Cuarteto Torner" y el "Ochote
Langreano". L'alcuentru de sofitu al Hospital de Parapléjicos
tamién contará cola presencia de Marcelino Díaz Losada en
calidá de monologuista. A les siete y media de la tarde entamará
la segunda parte del festival musical, de la mano de los
"Stukas",
"Los Berrones",
"Tomás y los Demás", "Human",
"Conciencia Intranquila" y "Despreciables". Mas eventos pa
esti fin de selmana na nuesa axenda
d'ociu.