L'agrupación llocal del Oriente d'Aína va conformase en L'Infiestu

|
Aína Congresu Fundacional centrada

Va ser la tercera del partíu asturianista depués de la d'El Nalón y la de Xixón.

Sigue'l procesu de conformación d'agrupaciones llocales d'Aína dientro la campaña #AbrimosCamín, alcuentros que sirven tamién pa esplicar a los inscritos y a la xente interesao nel proyeutu'l procesu desendolcáu hasta la fecha y el so análisis, pa informar sobre’l llabor que ta desenvolviendo la Mesa Nacional Provisional del partíu y, sobre manera, p’aniciar un alderique empobináu a proponer polítiques y formes de trabayu d’interés llocal que sirvan pa poner los pegoyos de l’aición de cambéu qu’esta formación moza quier entamar a desarrollar. El próximu va tener llugar esti xueves, a les 19 hores, na Casa Cultura de L'Infiestu.

En total, ta convocada la trentena de persones que s'apuntó al Congresu Fundacional d'Aína celebráu en payares en Corvera que viven nos conceyos de Piloña, Villaviciosa, Cabranes, Bimenes, Nava, Parres, Ribeseya y Llanes. D'esti mou, el partíu asturianista y d'izquierda busca consolidar l’afiliación, aportar a más xente y entamar el so trabayu políticu dende la proximidá.

La primer agrupación llocal constituyida foi la d'El Nalón, a la que siguió la de Xixón. Entrambos casos los promotores salieron contentos pola bona receptividá que tuvieron los conceyos abiertos.

Na semeya, un momentu del Congresu Fundacional del partíu celebráu en payares en Les Vegues.

Contador Estadistiques