L’Academia de la Llingua va reconocer a Marta Mori como nueva académica de númberu

L'Academia de la Llingua Asturiana vuelve nesti 2007 al so sitiu tradicional, el teatru Campoamor d'Uviéu, la celebración del Día de les Lletres 2007, una cita que va tener llugar el vienres 4 de mayu a les 20 hores y que va tener como principal novedá'l nomamientu como nuevu Miembru de Númberu de l'Academia de la filologa y escritora Marta Mori d'Arriba.

L'Academia de la Llingua Asturiana afirma que quier, col inxerimientu de Marta Mori na institución "reconocer la fondura de la so contribución científica, lliteraria y docente al procesu de recuperación llingüística n'Asturies y facer posible, al empar, qu'esa valible contribución pueda enanchase col so trabayu dientro de la propia institución".

L'actu institucional va abrir cola participación de la gaitera Andrea Fernández Joglar, pa pasar darréu a la Xunta Estraordinaria de l'Academia de la Llingua Asturiana, col tradicional discursu institucional de la Presidenta. El piesllu musical va correr al cargu del grupu folk Tejedor.