La Xunta Pola Defensa de la Llingua presenta la so agrupación de Valdés

Esti sábadu 21 d'abril va facese la presentación de la agrupación de la Xunta pola Defensa de la Llingua Asturiana en Valdés. L'actu va entamar a les 19:30 nel Salón d'Actos del Institutu de L.luarca y nelli va participar la escritora valdesana Nené Losada Rico xunto cola actuación de la banda de gaites Faru L.luarca.



Dende la Xunta Pola Defensa de la Llingua destácase que "La presentación d'esta agrupación nueva supón un pasu alantre mui importante na capacidá de la reivindicación llingüística, mesmo nel planu organizativu como na implantación territorial". La organización esplica qu'esta agrupación de la Xunta "ñaz con más de venticinco afiliaos y afiliaes y yá tien entamaes delles actividaes reivindicatives y de concienciación que van llevase alantre nes prósimes selmanes".