La Xunta Pola Defensa de la Llingua movilízase nel entamu de les negociaciones pol estatutu

Con motivu del empiezu del calendario de reuniones ente los grupos parlamentarios pa la reforma del Estatutu d'autonomía, la Xunta pola Defensa de la Llingua Asturiana convoca una concentración col lema "Na Reforma l'Estatutu, L'Asturianu Llingua Oficial". La concentración va facese a les 11:30 d'esti vienres 5 d'ochobre delantre de la Xunta Xeneral, na cai Fruela d'Uviéu y va ser la primer d'una serie de movilizaciones nes que la Xunta va tomar parte activamente, tando previstes en calendariu de la organización la participación nes dos caravanes pola oficialidá y la gran manifestación pal 24 de payares pola oficialidá qu'entama'l Conceyu Abiertu pola Oficialidá.