La xornada reivindicativa nesti Día de la Nación Asturiana céntrase en L.lena, Uviéu y Avilés

Mientres que IX-BA-LV va celebrar
esti día en La Pola L.lena a partir de les 12:00 con un mitín y
una xinta baxo'l lema de "Mas Autogobiernu. Mas Estatutu. Mas
Asturies.Oficialidá", URAS-PAS va facelo na capital
asturiana dende les 12:30 nun actu que va consistir nuna ofrenda floral y una
xinta. A la una, nesti casu n'Avilés, la coalición nacionalista
UNIDÁ organiza un mitin y una espicha
col eslogan "Asturies SÍ ye nación".

D'esti mou IX-BA-LV celebra la xornada con un mitin nel Teatru Vital Aza a
partir de les 12 cola intervención de Ramón Argüelles
(Alcalde de L.lena), Cheni Uria (Lliberación), Nacho González
(Los Verdes d'Asturies), Roberto Colunga (Bloque por Asturies) y Jesús
Iglesias (Izquierda Xunida d'Asturies),un actu rematáu coles actuaciones
de "Spanta la xente" y "Fala non caduca". Yá a les
14.00 hores van facer una espicha na plaza Alfonso X cola posterior
actuación del grupu de baille "Xanzaina".

Pela so parte, PAS-URAS va facer una ofrenda floral énte la estatua
de Alfonso II, na redolada de la Catedral d'Uviéu, a partir de les 12.30
horas. Los máximos representantes d'este formaciones, Sergio
Marqués por URAS y Xuan Xosé Sánchez Vicente por PAS, van
dar un discursu a los asistentes. Darréu celebrarán una comida na
sidrería Casa Arturo.

La coalición UNIDÁ va facer un mitin a la una de la tarde na
cai'l Sol d'Avilés cola intervención d'Iniciu Llope,
Germán Abad y PAco Iglesias y nel que se va contar cola
participación de colectivos sindicales y sociales con presencia
n'Asturies . De siguío va facese una espicha nel mesmo llugar

Otres formaciones tamién van celebrar actos nesti Día de la
Nación Asturiana. D'esti mou Andecha Astur va manifestase peles
cais de Xixón a la una mientres que'l
PCPE va facer la so Folixa 2007 en
La Camocha a partir de les 11 de la mañana.