La vuelta despidióse d'Asturies

La Vuelta Ciclista a España marchó d'Asturies tres de la disuta de la segunda etapa, en que Mario Cipollini foi el protagonista pol desplante que-y dio'l campeón del mundu a la organización abandonando la carrera ensin llegar a salir na etapa ente Xixón y Cangues d'Onís.

Estravagancies del ciclista tresalpín aparte, la etapa foi bien movida y bien de ciclistes salieron perxudicaos d'ella, ente ellos Ángel Casero, ganador de la vuelta nel 2.001, que se dio xubiendo'l Fitu. Peor lo llevaron dellos corredores que quedaron cortaos cuando la Once tiró pel pelotón pa cazar a dos escapaos. Nesti corte quedó l'asturianu Chechu Rubiera, qu'agora ta na xeneral a cuatro minutos del líder. la etapa ganola'l ciclista del Cofidis Luis Pérez, qu'escapó nes ramples del Altu d'El Fitu xunta l'abulense del CSC Carlos Sastre.