La visita a Sabugo, la más vista de les 15 actividaes virtuales de la Estaya de la Llingua d'Avilés

La iniciativa del SNL pel confinamientu algamó un total de 34.016 visualizaciones.

'La reciella en casa: La cuarentena presta' y 'Pa que nun t’aburras: Cocina, Visita y CaleyAvilés' foron les dos iniciatives plantegaes pola Estaya de la Llingua d'Avilés p'animar a les ciudadanes y ciudadanos de la villa y de tol mundu al traviés de la rede nel estáu d'alarma. La primera tuvo formada por 8 actividaes que se desendolcaron en Selmana Santa, ente'l 6 y el 13 d'abril, siendo l'actividá más siguida'l conciertín de David Varela, con 3.763 visualizaciones, de les que 1.131 foron en YouTube, lo que lu convierte nel eventu más vistu de los 15 programaos nesta canal.

Con 7.420, de les que 7.010 foron per Facebook, la visita guiada n'asturianu pel barriu de Sabugo, el parque del Muelle y la ría, dientro de CaleyAvilés, foi'l que meyores datos d'audiencia tuvo. La tercera tres l'actuación de Varela, con 3.380, la del edificiu La Noria del parque Ferrera.