La Universidá d’Uviéu fai homenaxe a la figura del rector Leopoldo García Alas

La Universidá d'Uviéu fizo esti vienres un homenaxe a la figura del que fuere rector de la institución Leopoldo García Alas, fíu del escritor Leopoldo Alas "Clarín" nun actu que tuvo llugar a la 1 de la tarde nel Paraninfu del Edificiu Históricu de la Universidá na capital asturiana. Leopoldo García Alas Argüelles, profesor universitariu de derechu y militante políticu republicanu, saliere escoyíu rector de la Universidá nel añu 1931. El 20 de febreru de 1937, la tropa franquista afusilólu tres d'un xuiciu sumarísimu baxo l'acusación d'asistir a un mitin de Manuel Azaña, formar parte del gobiernu provisional republicanu y ser Rector col réximen republicanu.

Nel actu intervenieron Vicente Alvarez Areces, l'actual rector de la Universidá Juan Vázquez, l'ex - rector Alberto Marcos Vallaure, el caderalgu de Derechu Alministrativu Leopoldo Tolivar Alas, y el profesor Eméritu David Ruiz. N'acabando les intervenciones, destapóse la placa conmemorativa que-y da'l nome de "Aula Rector Alas" a l'actual aula ocho del Edificiou Históricu de la institución.