La TV asturiana va emitir pa mediaos del 2005

La vocera del Gobiernu y Conseyera de Cultura, Ana Rosa Migoya, confirmó n'acabando la sesión del Conseyu de Gobiernu d'Asturies d'esti xueves que la canal de TV autonómica va echar a andar nel segundu semestre del añu 2005. Con sé na Universidá Llaboral de Xixón, la TV autonómica va tener un presupuestu alredor de los 15 millones d'euros, anque la mesma Migoya esclarió que la cifra ye provisional y difícil de concretar.

Según esplicó la vocera del Gobiernu asturianu, ta trabayándose nos pliegos de contratación de la obra pa remocicar l'antiguu conventu de Les Clarises de la Universidá Llaboral de Xixón, unes obres que Migoya calificó de "mínimes" y convertilu asina nos estudios de la canal autonómica, anque primero de que salgan a concursu hai qu'esperar a que la Xunta Xeneral del Principáu escueya'l Conseyu d'Alministración pa que'l Gobiernu nome al Director Xeneral del ente.