La térmica de Valliniello, a la solombra del Centru Niemeyer

La construcción del Centru Niemeyer n'Avilés dexó definitivamente pa prau'l proyectu pa facer na Central Térmica de Valliniello un equipamientu museísticu, como yera la intención de la Conseyería de Cultura y como se llegó a anunciar va agora dos años.

Dempués del so pieslle l'añu pasáu, la vieya térmica d'Ensidesa, que tuvo en funcionamientu dende mediaos de los años 50 y que ta reconocida como una de les maraviyes de l'arqueoloxía industrial asturiana pola calidá constructiva de la gran nave qu'atecha los xeneradores y pola variedá y importancia na industrialización asturiana de los equipos técnicos que se guarden nella, espera agora'l desmantelamientu y el derribu.


Grupos interesaos na so conservación, ente ellos el Colectivu Ecoloxista d'Avilés, tan poniéndose en contactu col Conceyu d'Avilés y con Conseyería de Cultura pa qu'entorne la decisión de la Sociedá Estatal de participaciones Industriales (SEPI) titular del edificiu, de derribalu, con vistes a que se faiga nella'l muséu de la industria que lleva tiempu queriéndose facer n'Avilés. Nel escritu que-y presentó a Cultura, el Colectivu Ecoloxista avilesín sorraya'l valor de la térmica como l'últimu restu que queda de la cabecera siderúrxica avilesina de los 50, y asegura qu'esti valor ye compatible dafechu colos conteníos del Centru Niemeyer