La sidra asturiana tuvo presente nel International Craft Cider de Cymru

Esta fin de selmana pasada celebróse en Llancaiach Fawr, cerca de Nelson, l’International Craft Cider de Cymru. Asturies y la so sidra tuvo representación nesti certame galés gracies a la participación de la revista La Sidra.
 
Esta espublización instaló un stand na feria nel que los visitantes a esti festival sidreru pudieron prebar y mercar delles variedaes estremaes de sidra: la natural d’Alonso, les espumoses de Champanera de Villaviciosa y Escanciador, la de mesa de Zapica (Buznego) y la ensin alcohol Isidra, del llagar navetu El Piloñu. La bébora asturiana tuvo una repercusión amplia nel festival y protagonizó una conferencia, impartida por Donato Xuaquín Villoria y Llucía Fernández Marquéz, a la qu’asisitieron mediu centenar de persones interesaes n’averase a la cultura sidrera asturiana.
 
L’International Craft Cider Festival trátase d’un certame sidreru dedicáu a la bébora fecha con sidra y pera na que tamién tán representaos territorios como Nourmandie, Alba, Hessen o Breizh, ente otros, colos sos productos. El festival, con visión internacional, nun se queda namái na sidra, sinón que tamién tien actuaciones musicales, conferencies y actividaes gastronómiques, toos centraos na cultura de los países participantes.

Comparte...                                    

Enllaz permanente