La SGAE asturiana amiéstase a una campaña de defensa de la música nos programes d'estudios

La Sociedad Xeneral d'Autores y Editores d'Asturies (SGAE) declaró ayeri la so amestadura a la campaña "Si a la música - A favor de la Música na Educación Xeneral", una iniciativa que lleva alantre la Confederación d'Asociaciones d'Educación Musical (Coaem) y que quier implicar a tola comunidá escolar na defensa de l'enseñu de la música nes estayes educatives de nivel xeneral y la presencia de la educación musical na Llei Orgánica d'Educación (LOE).

Músicos y compositores asturianos de renome, ente ellos los maestros gaiteros Guti y José Angel Hevia, el líder d'Ilegales Jorge Martínez, el compositor Ramón Prada, Víctor Manuel o David Feito, del grupu "El Sueño de Morfeo" sofiten tamién esta campaña, que denuncia la "perda progresiva de pesu de l'asignatura de Música nos programes docentes de la enseñanza obligatoria española, lo que representa una deficiencia grave de la educación que repercute negativamente nos estudiantes".