La primer encuesta da-y el trunfu al PP n'Asturies

El periódicu de Xixón El Comercio espubliza güei los datos de la primer encuesta d'intención de votu n'Asturies sobre les elecciones del 14 de marzu. Según la encuesta de TNS-Demoscopia pal diariu del grupu Vocento, n'Asturies el PP tien 4 diputaos seguros tres del 14-m y el PSOE otros trés, mientres que l'escañu d'Izquierda Xunida queda en dulda y podría arrampuñá-ylu'l PSOE. En cuantes a tantu por cientu de votu, la encuesta d'El Comercio da-y al PP una xuba pequeña, pasando del 46,3 al 46,5% del votu. El Psoe recupera 2 puntos sobre les elecciones del 2.000 y ponse nel 39%, mientres qu'Izquierda Xunida baxa del 10,3% al 9,8%.