La Policía Nacional namás incautó 25 exemplares de la revista 'El Jueves' n'Asturies

La Policía Nacional unvió ayeri a l'Audiencia Nacional los 25 exemplares de la revista 'El Jueves' que se recoyeron en quiosocos asturianos tres la orden del xuez Juan del Olmo de secuestrar el númberu de la revista que se punxera a la venta'l 19 de xunu y nel qu'apaecía un dibuxu de los Príncipes d'Asturies nuna situación que la Fiscalía denunció como constitutiva de delitu d'insultos a la Corona.

Fontes de la Xefatura Superior de Policía confimaron a l'axencia Europa Press que, anque los axentes visitaron el mayor númberu de quioscos posible pa recoyer los exemplares de la publicación, pero, anque "pasaron per quioscos de toa Asturies, na mayoría d'ellos la revista ya taba escosada" polo que nun pudieron retirar más de 25 revistes.

Pela so parte, los autores de la portada que dio llugar a la orde de secuestru de la revista, l'artista Guillermo y el guionista Manel Fontdevila, esplicaron ayeri al xuez del Olmo que nunca tuvieron intención d'ofender y qu'escoyeron a la pareya por considerala "representativa de la sociedá española" pa facer un chiste sobre l'ayuda de 2.500 euros por fíu prometida pol Gobiernu y col fechu de qu'ésta pueda cobrala cualquier persona independentemente de que la necesitare o non".