La policía echó a los trabayadores d'IZAR del buque que taba nel astilleru de Xixón

El buque hospital "Juan de la Cosa" nel que se trancaren dende'l 29 de mayu un grupu de 150 obreros del astilleru públicu Izar-Xixón esixendo la venta conxunta de tolos astilleros del grupu Izar, salió ayeri domingu pela tarde de la rampla del astilleru tres d'una operación policial qu'entamó a les siete y media de la mañana y qu'acabó a les 6 de la tarde.


Los obreros d'Izar trancárense nel barcu hospital, que taba preparáu pa la so botadura, el pasáu 29 de mayu. L'actu oficial d'entrega de la nave al Institutu Social de la Marina, previstupal pasáu 12 de xunu cola asistencia de los heriedes de la Casa Real Española los Príncipes d'Asturies, nun pudo celebrase por causa de la protesta llaboral, col que los obreos amosaben la so refuga al alcuerdu firmáu polos sindicatos CCOO y UXT cola Sociedá Estatal de Participaciones Industriales (SEPI) pol que se permitía la vienda per separáu de los astilleros qu'iguaben l'antiguu grupu públicu IZAR.