La polémica poles antenes vuelve n'Avilés

El Colectivu Ecoloxista d'Avilés metió per rexistru nel Ayuntamientu d'Avilés un escritu pidiendo que se desmangue una antena de telefonía móvil en barriu La Magdalena. Pa los ecoloxistes, l'antena púnxose irregularmente, y argumenten en defensa de la retirada que, depués de la protesta qu'hubo por ella, fízose un espediente municipal que concluyó que l'antena nun podía dase de pasu por razones urbanístiques, dando orde de retirala l'ayuntamientu en marzu de 2.002 nun plazu de quince díes. La titular de l'antena, Retevisión, paró'l procedimientu poniendo contra l'ayuntamientu un recursu contenciosu-alministrativu que nun prosperó, y ye por ello que l'agrupación ecoloxista, que defende que s'actue siempres con un criteriu preventivu contra la polución electromagnética, pide que se retire yá l'antena, y remembra qu'otres antenes tan irregulares como esta acabaron por dase de pasu.