La Pola prepárase pal día grande del Carmín

Más de 50.000 persones asistieron ayeri pela tarde a la tradicional Descarga de Cangas del Narcea, na que se tiraron más de 60.000 voladores en menos de diez minutos. El día grande de les fiestes del carmen nel conceyu del occidente asturianu dexa pasu güei a otra de les grandes macro-folixes del branu astur cola celebración de les fiestes del Carmin de La Pola en Siero, que viven esta tarde de llunes el so día grande dende primer hora de la tarde nos praos de La Sobatiella, nos que van xuntase tamién cerca de 60.000 persones acordies coles previsiones, ello nún día en qu'Asturies ta alvertida d'una situación de "calor estremu" pola Dirección Xeneral de Protección Civil.