La plantiya del Sporting de Xixón demostró'l so apoyu al Conceyu Abiertu pola Oficialidá

El míticu futbolista asturianu y actual delegáu de campu del Sporting de Xixón, Enrique Castro Quini, encabezó esta mañana a una delegación de la plantiya de futbolistes y técnicos del equipu de futbol asturianu que demostraron nun actu públicu'l compromisu de la plantiya de la institución deportiva a favor de la oficialidá del asturianu y cola plataforma cívica Conceyu Abiertu pola Oficialidá (CAO).

La delegación Sportinguista, na que tamién taben presentes los futbolistes Chus Bravo, Alejandro García, Jorge García y Noel Alonso, más el preparador físicu de la institución Gerardo Ruiz, fizo un simbólicu intercambiu de camisetes col representante del CAO Fernando Ornosa. Nel actu, el preparador físicu Sportinguista Gerardo Ruiz enfotóse nel llogru de la oficialidá, mientres qu'Enrique Castro "Quini" miembru tamién de la Fundación Caveda y Nava de defensa del asturianu, pidió una mayor presencia del asturianu nes escueles.