"La oficialidá faise cada vegada más necesaria y urxente", afirma González Riaño

|
Carmen Suárez y Isabel Celaá prensa

El presidente de l'Academia de la Llingua Asturiana respondió en redes a la ministra Celaá sobre la so postura sobre la especialidá.

"Nun se pue falar de respetu pol asturianu y dempués facer de menos al profesoráu", comenzó'l tweet asoleyáu por Xosé Antón González Riaño tres conocer la decisión de la responsable estatal d'Educación y Formación Profesional d'esperar a la declaración de la oficilidá pa proceder a la creación de la especialidá docente de Llingua Asturiana y Gallego-asturiano. Pa dar esti pasu namái hai que modificar l'artículu 2.2 del Real Decretu de Maestros y el artículu 2.3 del Real Decretu de Secundaria pa introducir nos mesmos la posibilidá de que les llingües non oficiales que tengan reconocimientu xurídicu y formen parte del currículu puedan tener especialidá.

"La #oficialidá faise cada vegada más necesaria y urxente. Vémoslo tolos díes, ministra", reflexona darréu'l presidente de la institución académica. La creación de la especialidá docente ye una vieya demanda del sector educativu asturianu cola fin de finar cola situación precaria que vive'l profesoráu de Llingua Asturiana y Marxinalidá, condenáu a la interinidá pola imposibilidá d'opositar, dalgo que se solucionaría, como otros tantos problemes, cola declaración d'oficialidá.

Na semeya, la conseyera d'Educación, Carmen Suárez Suárez, y la ministra d'Educación y Formación Profesional, María Isabel Celaá, ayeri tres la xunta celebrada en Madrid.

Contador Estadistiques