La negociación ente PSOE y IX-BPA sigue esta tarde

La negociación ente PSOE y IX-Bloque por Asturies métese nuna fase na que tendrá d'entrase a aspectos más concretos tres del primer contactu de la otra selmana en que namás se llegó a un alcuerdu previu pa torgá-y el pasu al PP nos conceyos en que ganó pero nos que PSOE y IX-BPA sumaren mayoría.

El llugar del alcuentru d'esta tarde va ser la sé d'IX-BPA na Plaza d'América, a la que los socialistes lleguen tres de l'apertura d'esti fin de selmana, cuando'l candidatu socialista y prtesidente en funciones Álvarez Areces, que de mano s'enrocare na posibilidá de gobernar en solitario, reconocío na Feria de Mieres qu'había bien de coincidencies de programa y que nun había torga denguna pa un gobiernu en coalición con IX-BPA. Na sección Conceyu Abiertu seguimos cola entruga que reconcome al asturianismu estes selmanes ¿qué va sacase en claro pa la llingua asturiana d'esta negociación?