La llocura del dictador Idi Amín toma la cartelera

Dos películes inspiraes en fechos reales protagonicen la cartelera
d'esta selmana nos cines del nuesu país. La primera d'elles ye
"El
último rey de Escocia", protagonizada por Forest Whitaker,
qu'interpreta al sanguinariu dictador ugandés Idí Amin,
conocíu poles sos estravagancies y la brutalidá del so
réxime que duró ente 1971 y 1979. Ente les llocures d'Idi Amin
rescampla la d'autodenominase "rei d'Escocia", d'ehí'l nome de
la pelicula, que cuenta la relación ente'l dictador y el so
médicu personal, un doctor precisamente escocés qu'interpreta
James McAvoy y que ye testigu de les llocures y brutalidaes del réxime
ugandés. Forest Wihtaker ta nomináu a meyor actor nos Oscar pola
so interpretación, pola qu'amás recibió un Globu d'Oru na
recien edicion d'estos prestixosos premios.

Un drama mas actual ye'l tema central d'otra de les estrenes,
"Ciudad del
Silencio". Nella los actores Jenifer López y Antonio Banderas
interpreten a dos periodistes que deciden investigar la desaparición y
muerte de mas d'un cientu de muyeres en Ciudad Juarez, en México. Mas
estrenes na nuesa cartelera.