La llegada de barcos asturianos según la prensa local

El periódicu Le Nouvelliste, editáu en Lorient, espubliza un artículu qu'orixinó'l treslláu del alcalde de Lorient.

Nél, fai un amañosu balance de los barcos y el númberu de refuxaos qu'aportaren d'Asturies a les costes de Bretaña y la so rexón marítima demientres la segunda quincena del mes d'ochobre. Asinamesmu da cuenta detallada de la rempuesta de la población y les autoridaes énte la so llegada y del desendolque de la repatriación.

Le Nouvelliste (26-X-37)

ABONDOS REFUXAOS ASTURIANOS FUERON REPATRIAOS POR TREN ESPECIAL A LA FRONTERA ESPAÑOLA

Gánguiles, pesqueros, lanches, truxeron apocayá dende Xixón a los nuesos puertos tala cantidá d'emigraos, que mos paeció afayadizo redactar un balance d'urxencia destes llegaes.

"Y asina foi", como dicen los copleros, lo que resultó:

Lorient:

SOMO: 72

PALAClO VALDÉS: 27

TOÑIN:197

Suma: 296 pasaxeros

Isla de Groix:

VAPOR 581: 76

Belle - Ile:

SAVIGO (sic;Sabugo,) 200

Quiberon:

MAR DEL MEDlO: 200

Suma: 400 pasajeros

Penmarc´h:

HUERTA:120

Quimper:

HERMANIA (Sic "Herminia"): 26

Douarnenez:

PEQUEÑO PESQUERO("La mensajera") 78

Suma: 224 pasajeros

Isla de Yeu (averada a La Rochelle): 600

En total 1596 pasaxeros.

Si se-y añade a esti total, yá impresionante, los que desembarcaron d'un torpederu, de dos barcos nel Odet, en Guilvinec, en Verdon (cerca de Burdeos) etc., pueden calculáse en 1800 el númberu de los refuxaos de Xixón, que teniendo la suerte d'enforciar el bloqueu nacionalista, atoparon abellugu nes nueses costes.

El Consuláu d'España, la Subprefectura, el Comisariáu Central, los servicios de la Policia Especial, el serviciu d'Aduanes, la Xendarmería, tuvieron sollertes dafechu.

¿Van a poder alendar un pocu? Sí, parez, pues la importación apara y la exportación marcha anaína.

Ayeri, n'efectu, un tren especial de la rede del Estáu, estacionáu dende les 4 la tarde nel andén númberu 3 de la estación de Lorient, salia a les 18 hores y empobinábase hacia la frontera española.

Llevaba a los mesmos pasaxeros del "Toñin" qu'atracó'l sábadu en Kergroise, dempués de pelegrinar bien dello, los del vapor 581 que desembarcaron el mesmu dia en Groix y los del "Mar del Medio", de Quiberon, el cualu cascu, llevantáu a tiempu por una fola de fondo, tuvo nún tris d'encallar.

Los homes, milicianos y cíviles, allugábense nes places de los vagones de tercera clas y los oficiales de Estáu Mayor nún furgón de segunda clas.

Cuandu'l tren arrancó vimos llevantáse dalgunos puños nos ventanos. Sonó la "Internacional", entemecía con dalguna "Marsellesa". A estos xestos, a estes voces, nun arrespondió naide nel andén.

Pa la salida del tren tuvíeron: el señor Ramos, canciller del Consuláu d'España; Bousquet, subprefectu de Lorient; Gruet, comisariu central en Lorient; Pointet, xefe d'estación de Lorient y Bourreau, el so adxuntu; Le Bail, ayudante xefe de les brigades de la xendarmeria; Renaud, inspector que sustitui al señor Gide, comisariu de la policía especial y los representantes de los servicios d'aduanes.

Los españoles de'Auray y Quiberon viaxaron a Saint Nazaire, onde s'axuntaron col tren que venia de Lorient pa Ilevar a los sos camarades a la frontera.

Hay que dicir que'1 señor Mallada, alcalde de Xixón, pasaxeru del "Toñin", yá tenía llegao a Nantes por tren regular.

FELICITEMOS

De mano a los pescadores de Penmarc' h qu'aidaron con peligru pa la so vida al pesqueru español "Huerta" y en particular a los señores Thomas Stéphan, patrón del barcu de salvamentu y a Michel Bouguéon y Lucas Thomas, patrones de pesca.

Felicitemos a les poblaciones de Penmarc'h y de Port Maria que repartieron ente los famientos pasaxeros del "Huerta" y del pesqueru 996, víveres, vistíos y calzao.

A los conceyos y delles asociaciones deportives, que nesta circunstancia desendolcaron un pricuru de lo más eficaz, siendo p'asegurayos nel intre a tolos refuxaos la xinta, la bebida y el techu a pesar de toles dificultaes. Señalemos en particular al señor Robert, alcalde de Quiberon; Moysan, primer adxuntu del conceyal de distritu de Groix,la cuala escelente collaboración fue destacada pola alministración. Felicitemos pa finar a toles autoridaes de la nuestra ciudá, que supieron acayer y repatriar tan perfecha y rápidamente a los refuxaos de Xixón.

LLAMENTEMOS

...Que la hospitalidá ufiertada a los pasaxeros del "Palacio Valdés" pol hospital Bodélio; a los del "Toñín" poles cacines económiques de Merville; a los de Groix... fuera tan pocu apreciada por míseres personaxes qu'arrespondieron a la caridá de los sos benefactores con glayíos, insultos y frañaúres de cacía.

Y NAGÜEMOS

...Que la España martirizada torne a alcontrar lo más ceo posible una paz estable. Estos llaceriosos éxodos de poblaciones perseguíes fráñennos el coral.

Nun ye menos cierto que queriendo perenriba too caltener la tranquilidá ente nós, nun podamos más que rispir que los nuestros puertos, les nuestres ciudaes y los nuestros trenes nun tengan nunca más qu'asegura-yos a estos güéspedes de pasu l'abegosu circuitu... España - Francia - parada y retornu.

LA FLOTILLA ESPAÑOLA VA EMPOBINÁSE A SAINT NAZAIRE

Y agora que los refuxaos españoles mos abandonen –con malpenes dalgunes excepciones– queda por evacuar la so flotilla.

Toos estos navíos van a ser unviaos dientru pocu a Saint Nazaire, el gánguil "Somo" va a escoltálos.

La lancha que desembarcó'l sábadu 76 pasaxeros en Groix ya tien llegao a Lorient, onde tá amarrada nel antepuertu de Comerciu, faciendo pareya col "Palacio Valdés".

En Saint Nazaire estos barcos serán puestos a disposición del Gobiernu Español o de los armadores que los reclamen.

Refuxaos, repatriaos, pesqueros devueltos... y l'anotación del "pasu de los españoles" que se tendrá de guardar ente la bayura d'alcordances de la crónica de la nuestra

"Ciudad de EI Oriente", que se camudó demientres dellos dies en puerto de éxodu de la "Xente del Occidente"...

Autor: Lisardo lombardía/ Revista Asturies.