La FSA va buscar el votu mozu nes xenerales estremándose del PP

La Federación Socialista Asturiana FSA-PSOE va esforzase na precampaña electoral pa les xenerales de marzu del 2009 n'atropar el votu de la xente más mozo con "propuestes ilusionantes" y en marcar diferencies col PP, del qu'asegura que propón centrar el debate na "política del cementu" al empar qu'intenta "desmovilizar al votu socialista".

El coordinador xeneral del comité electoral d'Asturies, Jesús Gutiérrez, asitió l'entamu de la precampaña nel pasáu llunes, en que visitó Asturies el Ministru de Xusticia, Mariano Fernández Bermejo y anunció una precampaña con valles publicitaries y mensaxes nos medios de comunicación centrada en mensaxes que recalquen la importancia del gastu social pal executivu de Zapatero. La entrada de votantes mozos y nuevos na masa electoral socialista va ser l'oxetivu clave de los socialistes nesta carrera electoral na que la FSA va tener a Jesús Gutiérrez de coordinador xeneral.