La FSA refuga que l’estatutu enxerte “términos identitarios”

El secretariu xeneral de la Federación Socialista Asturiana, Javier Fernández, refugó que la reforma estatutaria suponga l'inxerimientu na llei orgánica de l'autonomía asturiana de "términos identitarios" refiriéndose con ello a "la retórica de ser comunidá histórica, realidá nacional, nación o esti tipu de coses que tán ayenes al PSOE y a la mayor parte de la ciudadanía". Les declaraciones del dirixente de la FSA tuvieron llugar nel actu d'homenaxe que tolos años faen los socialistes asturianos a los represaliaos pola dictadura franquista en Pozu Funeres (Llaviana) y que se celebró esti fin de selmana. En cuenta d'ello, Fernández declaróse partidariu del "internacionalismu" como vía pa evitar que muncha xente nun tenga más qu'escoyer qu'ente la fame o la patera".