La FSA incorpora l'asturianu a la so web

|
La FSA incorpora l'asturianu a la so web

El partíu potencia l'emplegu de la marca 'Socialistas de Asturias' de cara a les eleiciones xunto a la de FSA-PSOE.

Un añu depués de la eleición de la Comisión Executiva Autonómica nel XXXII Congresu de la Federación Socialista Asturiana (FSA), nel qu'asumió la oficialidá del asturianu, la formación presentó sala de prensa y páxina web nueva. "Estrenámosla güei –por ayeri–, daremos-y conteníos y utilidaes nueves en meses próximas, y va tar a disposición de tola sociedá asturiana y el que quiera acceder a ella tanto en castellanu como n'asturianu", apuntó Iván González, secretariu de Movilización y Redes.

L'actu tamién sirvió pa "remarcar la nuesa marca 'Socialistas de Asturias' xunto cola histórica de la FSA-PSOE" al sentirse "fondamente arguyosos de ser asturianos", aseguró Adrián Barbón. Nel balance políticu fechu pol secretariu xeneral destacó l'aumentu d'una presencia na cai y una meyora nel diálogu con otres fuercies polítiques que xeneró "dexelos con organizaciones como IX”: “El partíu tenía que recuperar el terrén perdíu nel debate públicu asturiano y anguaño l'axenda política asturiana nun s'entiende ensin esti partíu".

Na semeya, sala de prensa nueva de la FSA.

Contador Estadistiques