La encuesta del CIS da-y el trunfu al PSOE

El Centru d'Investigaciones Sociolóxiques ta acabante d'espublizar la última encuesta electoral por comunidaes autónomes enantes de les elecciones del 25 de mayu. La consulta del CIS entruga poola intención de votu y valora'l llabor del Gobiernu asturianu nestos 4 años. Respective a esto último, los datos del CIS ponen la xestíon del gabinete Areces, como "regular" col 49,7% de les opiniones, mientres que na estaya electoral, el CIS albidra'l trunfu del PSOE con un 31,8% de la intención de votu. PP tendría 15,8% y IX el 7,2%, mientres que la URAS quedaría con un rarísimu 0.6%, datu entovía más ablucante cuando depués el 3,1% de los encuestaos ven de presidente al líder renovador Sergio Marqués. El PAS, Verdes y demás opciones queden enxertes nel conxuntu de "otros" que namás recibiríen el 2,8%de los sufraxos, anque nel momentu de facese la encuesta (marzu de 2.003) el 24,6% entovía nun tenía decidío a quien votar y el 5,9% directamente nun respondieron.