La crisis China y la baxada de precios faen cimblar la industria asturiana

|

Arcelor, Alcoa y Azsa, productores d'aceru, cinc y aluminu, sufren cola situación y asitien la industria asturiana nuna situación abegosa

La crisis global que ta afectando a la bolsa, y que remanez de la situación económica en China cute directamente a tres sectores industriales que se caltienen n’Asturies venceyaos a les empreses Arcelor, Alcoa y Azsa.

Los sectores más afectaos por esta fola negativa son les siderúrxiques y les petroleres,  y afecta directamente al aceru, cinc y aluminiu, colos que trabayen les empreses citaes.

Arcelor, ta sufriendo la competencia China, que ta baxando los precios pa facese con mayor cuota de mercáu, no que la patronal siderúrxica europea tien calificao de “dumping”.

Per otru llau Alcoa, una empresa sufre tamién de la competencia China y de la baxada de los precios del aluminiy y ta sufriendo perdes importantes, polo que la dirección de la empresa alvirtió esta selmana a los trabayadores de la mala situación na que s’alcuentra el mercáu, y que podría cuestionar la viabilidá de les factories asturianes y gallegues. .

El cinc ye otru sector mui afectáu pola baxada de precios, y tien una importante presencia nel país a traviés de la multinacional Glencore, dueña de les plantes de San Xuan Nieva y Arnáu.

Contador Estadistiques