La conexón a internet vía satélite llega a Xinestosu

La Conseyería de Mediu Rural y Pesca del Gobiernu d'Asturies ta acabante d'alxudicar a la empresa Distecable un contratu por importe de 26.070 euros col qu'entamar les obres precises pa llevar una rede inalámbrica d'accesu a internet vía satélite nes parroquies de Trescastru y Xinestosu, en Conceyu de Cangas del Narcea

La inversión forma parte del proyectu CYBERAL que tien por oxetivu la dotación de banda ancho al medio rural asturianu cola financiación de la Unión Europea, y enancha la rede de pueblos asturianos con conexón vía satélite a la rede. Primero foron Berducedo y Tremao n'Allande y dempués el Cuartu los Val.les en Tinéu, mientres que pal oriente Porrúa (Llanes) disfruta de 28 conexones vía satélite.

El total d'inversiones en poner toes estes llinies ye hasta agora de más de 125.000 euros, una cantidá enforma alta pal pequeñu númberu de conexones a la rede que se ponen en cada casu, pero nello influyen, decisivamente, les dificultaes de poner internet en medios físicos con cantidá de cuetos y montes qu'apantallen l'unviu de la señal inalámbrica dende'l repetidor central a viviendes que tan separtaes por grandes distancies