La Bottine Souriante, sorpresa nel programa pal Día d'Asturies

El Principáu esclarió ayeri los detalles sobre como va ser la celebración institucional de la fiesta del Día d'Asturies, que va celebrase en Mieres a lo llargo de losdíes del 7 y el 8 de setiembre. Xunta les actuaciones musicales de los quebequesos "La boutine sourriante", de los grupos asturianos "Skanda", "La bandina´l tombu", y de la cantante Liliana Castañón, el Principáu apostó por traer a "Fangoria" el grupu d'Olvido Gara "Alaska" como contratación con más ganchu pal públicu

La romería que tien preparada'l Principáu pa lo sdos díes de folixa que van llevase esti añu a Mieres, nel Parque Xovellanos, inclúi l'actuación destacada de La Bottine Souriante, grupu quebequés fundáu en 1976 y que, anque poco conocíos per equí, pasaron va poco pel Teatru Xovellanos, dexando una impresión inmeyorable. Con doce discos editaos, esti grupu del Canadá tien tamién dellos discos de platinu qu'acrediten que son un grupu con tirón comercial amás d'otres cualidaes. L'actuación del grupu del Quebec ta puesta pal día 8, mientres que pa la nueche del 7 l'apueste ye bien distintu, cola presencia de "Fangoria" El grupu de pop y disco d'Alaska y Nacho Canut va presentar "Arquitectura efímera"

El cartel pa estos dos díes complétase coles actuaciones del grupu asturianu de funk "Koniec" presentando'l so segundu discu "Groovie la notte" y la bandina Los Ciquitrinos, mientres que
na Plaza de Requexu avan tocar "Skanda" "La bandina´l tombu" y Liliana Castañón, ello xunta actuaciones de tonada colos "Cuatro ases" y música coral col Coru "león de oro" de Lluanco.
Fuera de lo que ye música, la celebración va contar, ente otros atractivos, con un Mercáu Astur, na plaza'l Conceyu d'ambiente medieval, xuegos y deportes tradicionales y eshibiciones d'entibadores mineros y de cetrería, cola novedá nesta última actividá de que los páxaros, propiedá del grupu de Llión "Las águilas de Valporquero" van volar pente'l públicu