La Banda de Gaites Llacín, ganadora del concursu del San Patricio de Dublin

La Banda de Gaites Llacín del Conceyu de Llanes foi la Campeona del Concursu de bandes del Festival de San Patricio 2007 celebráu na capital Irlandesa, Dublin, el pasáu sábadu 17 de marzu. La banda llanisca quedó nel concursu conxuntu per delantre d'otres formaciones de países como Irlanda los EEUU, Escocia o Alemaña, nuna clasificación que puntuaba a la meyor banda d'ente los cientos de formaciones de tou tipu que participaron nel desfile, dende marching bands a bandes militares pasando per grupos universitarios y bandes profesionales. El xuráu, formáu por espertos de distintos países valoró l'actuación de los gaiteros asturianos en cuestiones como la calidá musical, presencia y estetica, marcialidá nel desfile, o aceptacion del publicu, llogrando una obteniendo nel baremu total de más de 74 puntos sobre 100, lo que fexo de Llacín la meyor banda de conxuntu del festival.

Más de 500.000 persones presenciaron el desfile peles cais de Dublín nel día de la Fiesta Nacional Irlandesa, conseñándose una presencia bien curiosa d'asturianos nel desfile. Pela tarde, n'acabando'l desfile, la banda llanisca recibió l'aplausu del públicu na so actuación na Guinness Storehouse, un de los llugares más turísticos de la capital d'Irlanda.