L’occidente va celebrar el Día das Lletras cola difusión de la llectura d’obres en gallego-asturianu

La Mancomunidá d’Ozcos-Eo y el Parque Histórico del Navia celebren esti vienres el Día das Lletras Asturianas cola segunda edición de ‘Al son das lletras’. Esta actividá permite la llectura de baldre d’obres escrites en gallego-asturiano.
 
En dellos puntos de la fastera occidental, coincidiendo cola celebración del Día das Lletras Asturianas, pónse mañana a disposición de los ciudadanos bolses con materiales y un llibru en gallego-asturiano que van poder recoyer de baldre pa la so llectura. “El idea d’esta iniciativa é fer chegar a toda a xente interesada, úa mostra da producción lliteraria en gallego-asturiano, aprovetando a celebración d’este día”, anuncien los organizadores de l’actividá.
 
L’espíritu de ‘Al son das lletras’ ye que, tres la llectura del llibru, ésti se ponga a disposición d’otres persones. Por ello, los organizadores soliciten a los partipantes na iniciativia que cuando termines el llibru, “pra poñello outra vez en circulación y que más xente poda acceder a él”, manden un corréu llectrónicu a les direiciones culturalylinguistica@oscos-eo.net y cultural@parquehistorico.org. “D’este xeito, poderemos dar noticia d’únde s’atopa el llibro y facilitar qu’outra xente poda disfrutar d’él”, aseguren los promotores de l’aniciativa.
 
Bual, Cuaña, Eilao, Navia, Pezós o Tapia son dalgunos de los llugares onde van poder recoyese exemplares y participar nesta actividá. Fuera del occidente del país, tamién ye posible acceder a dalgún llibru en gallego-asturiano, en concreto n’Uviéu, yá que tamién van repartise bolses na sede del periódicu Les Noticies. Les persones interesaes pueden consultar nesta llista tolos exemplares disponibles na zona del Parque Histórico del Navia y ónde recoyelos. Na web de la Mancomunidá d'Ozcos-Eo va asoleyase a lo llargo del día'l llistáu propiu de los conceyos más occidentales del país.